Arkadag şäherinde medeniýet hepdeliginiň ýaýbaňlanmagy
Ýurdymyzda Medeniýet we sungat işgärleriniň hem-de
Magtymguly Pyragynyň şygryýet güni bir hepdeläp uly dabara bilen bellenilip
geçildi. Düýn bolsa Medeniýet hepdeliginiň ýapylyş dabarasy mynasybetli ýurdymyz
boýunça geçirilen dabaralar bilen bir hatarda Arkadag şäherinde hem birnäçe
çäreler ýaýbaňlandyryldy. Şol geçirilen dabaralara, gepleşiklere, bäsleşiklere
Sahy Jepbarow adyndaky Arkadag şäher ýörite sungat mekdebiniň talyplaryndan
düzilen aýdym-saz toparlary, tans toparlary şeýle hem sungat mekdebiň “Nakgaş
we dizaýn” bölüminiň talyplary gatnaşdylar.
