Mekdebiň täzelikleri

Ýaňy ýakynda  Arkadag  Şäheriniň  häkimliginiň  tomaşaçylar zalynda  Bedew  baýramçylygy  mynasybetli “Arkadag  şäheri Ahalteke  atlaryň mekany“  ady  bilen aýdym-sazly  hoşallyk  maslahaty  geçirildi.  Maslahatda  ilki bilen Arkadag  şäheriniň  birleşen  bagşy – sazandalar  topary türkmen bedewini wasp edýän “Bedewler” atly ajaýyp aýdym ýerine ýetirdiler. Soňra  bolsa   Arkadag  şäheriniň  degişli  ýolbaşçylary  hem-de birnäçe  pudaklarda  zähmet  çekýän  ýolbaşçylar  çykyş etdiler.  Olar öz çykyşlarynda Gahryman Arkadagymyzyň, Arkadagly  Gahryman  Serdarymyzyň  ýurdumyzda  türkmen ahalteke  bedewlerine goýýan sarpalary,  döredip  berýän  mümkinçilikleri  barada  nygtap  geçdiler.  Ýurdumyzda  türkmen  ahalteke  bedewine  uly  hormat  hem  sarpa  goýulýar. Ata-babalarymyzdan  gaýdyp  gelýän “Atda  wepada  bar,  sapada”  diýen  parasatly  ýörelgä häzirki  döwürde  hem eýerlip  gelinýär. Şol hoşallyk  maslahatynda  hem  Sahy  Jepbarow  adydaky  Arkadag  şäher ýörite sungat mekdebiniň aýdym-saz toparlary öz aýdym-sazlary bilen, mugallymlary we talyp ýaşlary öz mynasyp goşantlaryny goşdular.