Sagdynlyk ruhubelentligiň gözbaşydyr
Bütin dünýä saglyk güni mynasybetli, ir säher bilen Arkadag şäheriniň Polatly binasynyň ýanyndaky meýdançada “Sagdynlyk ruhubelentligiň gözbaşydyr” ady bilen köpçülikleýin welosiped ýörişi gurnaldy. Saglyk kerweniniň badalga nokadynda Sahy Jepbarow adyndaky Arkadag şäher ýörite sungat mekdebiniň mugallymlary, talyplary özleriniň aýdym-sazlary, tanslary joşgunly çykyşlary bilen gatnaşdylar. Mekdebiň talyplarynyň sport tansy ýörişe gatnaşyjylara ruhubelentlik paýlady.
