“Ýaş suratkeşleriň joşguny - 2024”
Berkarar döwletiniň täze eýýamyň Galkynyş döwründe sungat ojagymyz hasaplanylýan Sahy Jepbarow adyndaky Arkadag şäher ýörite sungat mekdebinde dekabr aýynyň 2-ne “Pähim – paýhas ummany Magtymguly Pyragy” ýylynyň “Ýaş suratkeşleriň joşguny - 2024” atly talyplaryň döredijilik sergisi öz işine başlady. Serginiň esasy düzüminde şekillendiriş sungatynda nakgaşçylyk, dizaýn we amaly haşam sungatyna degişli bolan gipsdan, akwareldan, ýagly reňkden we kömürden haşamlanan işleri görkezilýär. Talyplar bu sergide özleriniň döredijilikde alan bilimlerini döreden eserlerine siňdirip, zehinlerini, ukyp başarnyklaryny we gujurlaryny görkezýärler.
Sahy Jepbarow adyndaky Arkadaş şäher ýörite sungat mekdebinde geçirilen “Ýaş suratkeşleriň joşguny - 2024” atly nakgaşçylyk we dizaýn bölüminiň talyplarynyň döredijilik sergisi gatnaşanlaryň göwnünden turjakdygyna ynanýarys.
“Nakgaşçylyk we dizaýn” bölüminiň mugallymy
Selbi ANNAÝEWA
