Startap-ekoulgam” atly tegelek stol
Türkmenistanyň bilim ministrliginiň gurnamagynda “Türkmenistanda Innowasion ykdysadyýet we Startap-ekoulgam” atly tegelek stol geçirildi. Ýurdumyzyň ýokary we orta hünär okuw mekdepleriniň ýolbaşçylary, sanly ulgam boýunça hünärmenler, ykdysadyýetçiler bileleşiginiň agzalary gatnaşdylar. Maslahata onlaýn görnüşde Sahy Jepbarow adyndaky Arkadag şäher ýörite sungat mekdebi we Saçly Dursunowa adyndaky Arkadag şäher lukmançylyk orta hünär okuw mekdepleri bilelikde gatnaşdylar.
Tegelek stolyň maksady 2024-2025-nji ýyllarda Türkmenistanyň hünär okuw mekdeplerinde “Startap-ekoulgam” Milli maksatnamasynyň geçirilmeginiň meselelerini ara alyp maslahatlaşmak bolup durýar. Şeýle çemeleşme bilim ulgamynda innowasion işewürligini ösdürmekde möhüm ädim bolar. Okuwçylaryň başarnyklarynyň hilini gowulandyrar we okuw mekdepleriniň işini täjirleşdirmegiň meselelerini çözmäge kömek eder.
