Okuw – usuly Geňeşiň 9-njy Mejlisi
Saçly Dursunowa adyndaky Arkadag şäher lukmançylyk orta hünär okuw mekdebinde 2024-nji ýylyň sentýabr aýynyň 13-ne Arkadag, Aşgabat şäherleriniň we Ahal welaýatynyň orta hünär okuw mekdepleriniň jemgyýetçilik başlangyçlary esasynda döredilen okuw – usuly Geňeşiniň 9-njy mejlisi geçirildi. Maslahatyň başynda Saçly Dursunowa adyndaky Arkadag şäher lukmançylyk orta hünär okuw mekdebiniň direktory M.K.Nazarow öz giriş sözlerini beýan etdi. Gün tertibiň 1-nji meselesi boýunça Indira Gandi adyndaky Aşgabat şäher lukmançylyk orta hünär okuw mekdebiniň direktory J.T.Ataýewa çykyş etdi. Gün tertibiň 2-nji meselesi boýunça Saçly Dursunowa adyndaky Arkadag şäher lukmançylyk orta hünär okuw mekdebiniň usulyýetçi-guramaçysy Ş.Rozyýewa çykyş etdi. Gün tertibiň 3-nji meselesi boýunça Sahy Jepbarow adyndaky Arkadag şäher ýörite sungat mekdebiniň “Üflenip we kakylyp çalynýan saz gurallary” bölüminiň mugallymy G.Akmyradowa “Gahryman Arkadagymyzyň eserleriniň durmuş-tejribe ýolunyň talyp ýaşlara nusgalyk bolmagy, ýan kitaplaryna öwrülmegi” tema boýunça çykyş etdi. Çykyşda Bagtyýar halkymyz – Watanymyzyň 33 ýyllyk toýuna uly ruhubelentlik bilen barýanlygyny belläp. Mukaddes Garaşsyzlygymyz her bir ynsanda watançylyk duýgusyny ösdürmäge, ata-babalarymyzyň özbaşdak döwletli bolmak baradaky arzuwlarynyň amala aşyrmagyna, milli we ruhy gymmatlyklarymyzy, ynsanperwer däplerimizi dikeltmäge mümkinçilik berenligini nygtady. Milli Liderimiziň jöwher paýhasyndan dörän «Parahatçylyk sazy, dostluk, doganlyk sazy» kitabynda: “...Watan keramaty nirede bolsaňam, köňlüňe güýç berýän gudrat. Deňsiz-taýsyz eserler diňe Watana söýginiň jadysyndan döredilýär. Sungat diýmek, anyk bir manyda beýan edilende, söýgi diýmekdir. Tebigata, daş-töweregiňe bolan söýginiň başlanýan ýeri bolsa Watandyr...” diýip aýdan sözlerini Gülälek mugallym ýatlap geşti. Soňra Saçly Dursunowa adyndaky Arkadag şäher lukmançylyk orta hünär okuw mekdebiniň mugallymy O.Çowdurowa çykyş etdi. Okuw-usuly Geňeşiniň gün tertibiniň soraglary boýunça maslahata gatnaşyjylaryň pikirlerini, tekliplerini, belliklerini beýan etmekleri üçin anketalar hödürlendi. Maslahatyň ahyrynda Saçly Dursunowa adyndaky Arkadag şäher lukmançylyk orta hünär okuw mekdebiniň “Çeper höwesjeňler” toparynyň çykyşlaryna tomaşa etdiler.
Sazyň taryhy we nazaryýeti bölüminiň II ýyl talyby Begenç HAJYMYRADOW
