Açyk howada surat çekmek
Sahy Jepbarow adyndaky Arkadag şäher ýörite sungat mekdebiniň “Nakgaşçylyk” bölüminiň talyplarynyň okuw tejribeligini geçmegi üçin Arkadag şäheriniň gözel künjinde guramaçylyk işleri geçirildi. Tejribelikde talyplar tebigy reňkleri, şekilleri, keşpleri öwrenip, olary çeper döredijiliginde ulanmak, tebigy düşünjeleri, bilimleri giňeltmek we olary çeperçilikde dogry ulanyp bilmegi öwrenmekden ybaratdyr. Açyk howada galamdyr reňkde surat çekmek we kompozisiýa döretmek okuwlaryň dowamy bolmak bilen, ol talyplaryň giňişligi, reňkleriň sazlaşyk jebisligini öwrenmeklerini ösdürýär we kämilleşdirýär. Durmuşy öwrenmek we şekillendirmek okuwyň dowamynda hünär endiklerini ösdürmeklige gönükdirilendir.
